நாகர்கோவில் வடிவீஸ்வரம் பகுதியில் மூதாட்டி படுகொலை: சில மணி நேரத்தில் குற்றவாளிகள் கைது, நகை மற்றும் பணம் மீட்பு!

கன்னியாகுமரி மாவட்டம் நாகர்கோவில் வடிவீஸ்வரம் பகுதியில் தனியாக வசித்து வந்த சின்னம்மாள் என்ற மூதாட்டி படுகொலை செய்யப்பட்ட வழக்கில், குற்றவாளியும் அவரது சகோதரரும் கைது செய்யப்பட்டுள்ளனர். விருதுநகர் மாவட்டத்தைச் சேர்ந்தவரும், தற்போது நாகர்கோவில் செட்டிகுளம் பகுதியில் வசித்து வருபவருமான வேல்ராஜ் என்ற விக்னேஷ் (33) என்பவர் அந்த மூதாட்டிக்கு உதவிகள் செய்து வந்துள்ளார். இந்நிலையில், அவரிடம் இருந்த நகை மற்றும் பணத்தைப் பறிக்கும் நோக்கத்தோடு இந்த கொலையில் அவர் ஈடுபட்டுள்ளார். கொலைக்குப் பிறகு தனது சகோதரர் அரவிந்தை விருதுநகரிலிருந்து வரவழைத்து, கொள்ளையடித்த நகைகளுடன் மோட்டார் சைக்கிளில் தப்பிக்க முயன்றபோது இருவரும் போலீசாரிடம் சிக்கினர். சம்பவம் நடந்த சில மணி நேரங்களிலேயே தீவிரமாகச் செயல்பட்ட காவல்துறையினர் குற்றவாளிகளைக் கைது செய்து, அவர்களிடமிருந்த நகை மற்றும் பணத்தை வெற்றிகரமாக மீட்டுள்ளனர்.